.gif)
 (1).png){kind=logo}
.png)
दूरसञ्चार प्राधिकरणका पूर्वअध्यक्ष भण्डारी पक्राउ
काठमाडौं । नेपाल दूरसञ्चार प्राधिकरणका पूर्वअध्यक्ष भूपेन्द्र भण्डारी पक्राउ परेका छन् । प्रहरीको केन्द्रीय अनुसन्धान ब्यूरो (सीआईबी) ले उनलाई शुक्रबार ललितपुरको धापाखेलबाट पक्राउ गरेको हो ।
सीआईबीका अनुसार भण्डारीलाई स्मार्ट टेलिकम प्रकरणमा अनुसन्धानका लागि नियन्त्रणमा लिइएको हो । सरकारको स्वामित्वमा आएको स्मार्ट टेलिकमको सम्पत्ति बेइमानीपूर्ण रूपमा सरकारको हकबाट बाहिर लैजाने कार्यमा संलग्न भएको आरोपमा उनीमाथि अनुसन्धान भइरहेको ब्यूरोले जनाएको छ ।
स्मार्ट टेलिकमले आधारभूत टेलिफोन सेवा सञ्चालनका लागि नेपाल दूरसञ्चार प्राधिकरणबाट २०७० वैशाखमा अनुमति पाएको थियो । तर तोकिएको समयमा अनुमतिपत्र नवीकरण नगरेपछि कम्पनीको लाइसेन्स स्वतः खारेज भएको थियो ।
लाइसेन्स खारेजीपछि स्मार्ट टेलिकमको सम्पूर्ण सम्पत्ति, दूरसञ्चार पूर्वाधार, संरचना, प्रणाली तथा नेटवर्क स्वतः प्राधिकरणको स्वामित्वमा आउनुपर्ने कानुनी व्यवस्था थियो ।
त्यसपछि सरकारले स्मार्ट टेलिकमको व्यवस्थापन र नियन्त्रणका लागि नियमावली बनाएर प्राधिकरणमार्फत कम्पनीको सम्पत्ति तथा संरचना आफ्नो नियन्त्रणमा ल्याउने प्रक्रिया अघि बढाएको थियो ।
यसै प्रकरणमा सीआईबीले यसअघि स्मार्ट टेलिकमका तत्कालीन प्रबन्ध निर्देशक सर्वेश जोशीलाई पनि पक्राउ गरी अनुसन्धान अघि बढाएको थियो ।
