.gif)
 (1).png){kind=logo}
.png)
नर्सिङ कर्मचारीको रात्रीकालीन भत्ता दोब्बर
स्वास्थ्य स्वयंसेविकाको यातायात खर्च दोब्बर बनाइने
काठमाडौँ : सरकारले स्वास्थ्य क्षेत्रमा अहोरात्र खटिने नर्सिङ कर्मचारीहरूको रात्रीकालीन भत्ता र महिला स्वास्थ्य स्वयंसेविकाहरूको यातायात खर्चमा उल्लेख्य वृद्धि गर्ने घोषणा गरेको छ।
अर्थमन्त्री डा. स्वर्णिम वाग्लेले शुक्रबार संघीय संसद्मा आगामी आर्थिक वर्ष २०८३/८४ को बजेट वक्तव्य प्रस्तुत गर्दै नर्सिङ कर्मचारीहरूले रातको समयमा ड्युटी गर्दा पाउँदै आएको रात्रीकालीन भत्तालाई सिधै दोब्बर बनाइने घोषणा गरेका हुन्। लामो समयदेखि न्यून भत्तामा काम गरिरहेका नर्सिङ स्टाफहरूलाई राहत दिने उद्देश्यले सरकारले यो कदम चालेको हो।
यसैगरी, ग्रामीण तथा सहरी क्षेत्रमा प्राथमिक स्वास्थ्य सेवाको मेरुदण्डका रूपमा कार्यरत महिला स्वास्थ्य स्वयंसेविकाहरूलाई दिइँदै आएको यातायात खर्च पनि दोब्बरले बढाइने निर्णय सरकारले गरेको छ। यसका साथै उनीहरूको हालको नियमित यातायात भत्तामा थप ५० प्रतिशत वृद्धि गर्ने विशेष व्यवस्थासमेत बजेटमा समेटिएको छ।
स्वास्थ्य क्षेत्रमा कार्यरत अग्रपंक्तिका जनशक्तिको कार्यसम्पादन स्तर सुधार्न, उनीहरूको मनोबल उच्च राख्न तथा आम नागरिकमा सेवा प्रवाहलाई अझ बढी प्रभावकारी र गुणस्तरीय बनाउन यी सुविधाहरू तत्काल लागू गरिने सरकारले जनाएको छ।
