.gif)
 (1).png){kind=logo}
.png)
उम्मेदवारी खारेजको निर्णयविरुद्ध सर्वोच्च पुगे रेशम चौधरी
काठमाडौँ : नागरिक उन्मुक्ति पार्टी, नेपालका अध्यक्ष रेशमलाल चौधरीले उम्मेदवारी खारेज गर्ने निर्वाचन आयोगको निर्णयविरुद्ध सर्वोच्च अदालतमा रिट दर्ता गरेका छन् ।
चौधरीले निर्वाचन अधिकृतको कार्यालय, कैलाली क्षेत्र नम्बर २ द्वारा गैरकानुनी रुपमा आफ्नो उम्मेदवारी रद्द गरेको आरोप लगाउँदै निर्णय बदर गर्नुपर्ने माग गरेका छन् । उनले आफ्ना उम्मेदवारी रद्दको निर्णयको पुनरावलोकन गर्दै अन्तरिम आदेश जारी गर्ने आग्रह पनि गरेका छन् ।
चौधरीको निवेदन शुक्रबार दर्ता भएको र आइतबार सर्वोच्च अदालतमा प्रारम्भिक सुनुवाइ हुने अदालतले जनाएको छ ।
चौधरीले कैलाली-१ बाट प्रतिनिधि सभा निर्वाचनका लागि उम्मेदवारी दिएका थिए। निर्वाचन अधिकृतको कार्यालयले उनको उम्मेदवारी खारेजको निर्णय गरेको थियो।
चौधरीले आफ्नो उम्मेदवारी यथावत् रहनुपर्ने र निर्वाचनमा प्रतिस्पर्धा गर्न पाउनुपर्ने माग गरेका छन् ।
