चितवन राइनोजले पोखरा एभेन्जर्सलाई दियो १२१ रनको लक्ष्य

---

नयाँ पेज

२०८२ मङ्सिर २० शनिबार १७:१२ बजे

काठमाडौँ : नेपाल प्रिमियर लिग (एनपिएल)को दोस्रो संस्करण अन्तर्गत चितवन राइनोजले पोखरा एभेन्जर्सविरुद्ध १२१ रनको लक्ष्य प्रस्तुत गरेको छ । 

शुक्रबार कीर्तिपुरस्थित त्रिवि क्रिकेट मैदानमा टस जितेर पहिले ब्याटिङमा आएको चितवनले निर्धारित २० ओभरमा ६ विकेट गुमाएर १२० रन बनाएको हो ।

चितवनका ओपनर देव खनालले सर्वाधिक ३५ रन जोडे । अविजित रहेका अल्पेश रामजानीले ३३ रन जोडे । कप्तान कुशल मल्लले २३ र सैफ जैबले १७ रन योगदान दिए । अन्य खेलाडीले दोहोरो अंकमा रन जोड्न सकेनन् ।

पोखराका धनञ्जय लक्सनले तीन विकेट लिए भने रोहित चन्द, किरण ठगुन्ना र विपिन खत्रीले समान एक-एक विकेट लिए । 

पोखराका लागि यो प्रतियोगितामा अन्तिम खेल हो । पहिले नै प्लेअफ दौडबाट बाहिरिइसकेको टोलीले ६ खेलमा दुई जित र चार हारसहित चार अंक जोडेको छ।