.gif)
 (1).png){kind=logo}
.png)
जेनजी आन्दोलन : तोडफोडमा संलग्न ४३ जना पक्राउ
काठमाडौँ : जेनजी आन्दोलनका क्रममा चितवनका विभिन्न भागमा तोडफोड, आगजनी र लुटपाट भएको घटनामा संलग्न रहेको आरोपमा ४३ जनालाई पक्राउ गरी कारबाही गरिएको छ ।
जिल्ला प्रहरी कार्यालय चितवनका सूचना अधिकारी तथा प्रहरी नायब उपरीक्षक रवीन्द्र खनालका अनुसार पक्राउ परेकामाथि आपराधिक उपद्रव, चोरी, अभद्र व्यवहार र लागुऔषध मुद्दामा कारबाही प्रक्रिया अगाडि बढाइएको छ ।
आन्दोलनका क्रममा सरकारी कार्यालय, निजी आवास र व्यावसायिक प्रतिष्ठानमा आगजनी, तोडफोड तथा लुटपाट भएका घटना दर्ता भएको प्रहरीले जनाएको छ । आन्दोलनमा घुसपैठ गर्नेहरूलाई कानुनी दायरामा ल्याउने क्रममा उनीहरूलाई पक्राउ गरिएको प्रहरीले जनाएको छ ।
जिल्ला प्रशासन कार्यालय चितवनको तथ्यांकअनुसार आन्दोलनका घटनामा ७९ सार्वजनिक संरचना, १६ निजी आवास तथा व्यावसायिक प्रतिष्ठान र तीन पार्टी कार्यालयमा क्षति पुगेको छ ।
