कुलमानको अर्को घोषणा : भौतिक संरचना पुनर्निर्माण कोष

---

नयाँ पेज

२०८२ भदौ ३० सोमबार १५:३८ बजे

काठमाडौँ : नवनियुक्त भौतिक पूर्वाधारमन्त्री कुलमान घिसिङले जेनजी पुस्ताले गरेको आन्दोलनका क्रममा क्षति पुगेका सार्वजनिक संरचनाहरूको पुनर्निर्माणका लागि विशेष कोष खडा गर्ने घोषणा गरेका छन् ।

भौतिक पूर्वाधार तथा यातायात मन्त्रीको जिम्मेवारी सम्हाल्ने क्रममा मन्त्रीले भने, 'हामीले तत्कालै क्षतिग्रस्त सार्वजनिक संरचनाहरू बनाउनुपर्नेछ । आक्रोशका कारण संरचनाहरूमा क्षति पुगेको हो, तर अब हामी आफैँले निर्माण गरेर सुधार गर्नुपर्छ।'

उनले यो कोषमा देशभित्रका नागरिकसँगै विदेशमा रहेका नेपालीहरूलाई पनि योगदान गर्न अनुरोध गरेका छन् । कोष स्थापना सम्बन्धी निर्णय मन्त्रिपरिषद्‌बाट छिट्टै औपचारिक रूपमा गरिने उनले जानकारी दिएका छन्।