.gif)
 (1).png){kind=logo}
.png)
प्रधानमन्त्री कार्कीलाई बधाई दिँदै चीनले भन्यो : द्विपक्षीय सम्बन्धलाई अझ अगाडि बढाउने तयारीमा छौं
काठमाडौं । नवनियुक्त प्रधानमन्त्री सुशीला कार्कीलाई उत्तरी छिमेकी राष्ट्र चीनले बधाई दिएको छ ।
चिनियाँ विदेश मन्त्रालयका प्रवक्ताले आइतबार नेपालका अन्तरिम प्रधानमन्त्री कार्कीलाई बधाई दिएका हुन् ।
‘चीनले नेपालको अन्तरिम सरकारकी प्रधानमन्त्री बन्नुभएकोमा श्री सुशीला कार्कीलाई बधाई छ । चीन र नेपालको मित्रता पुरानो र ऐतिहासिक छ’ विदेश मन्त्रालयले भनेको छ, ‘चीनले सधैंझैं नेपाली जनताले स्वतन्त्र रूपमा रोजेको विकास मार्गको सम्मान गर्दछ।’
चीनले दुई देशबीचको आपसी सहयोग र द्विपक्षीय सम्बन्धलाई थप बलियो बनाउने स्पष्ट पारेको छ ।
‘हामी नेपालसँग मिलेर पञ्चशीलका सिद्धान्तहरूलाई प्रवर्द्धन गर्ने, विभिन्न क्षेत्रमा आदानप्रदान र सहयोगलाई सुदृढ बनाउने र द्विपक्षीय सम्बन्धलाई अझ अगाडि बढाउने तयारीमा छौं,’ चीनले भनेको छ ।
कार्कीलाई अर्को छिमेकी देश भारतसँगै, बंगलादेश, बेलायल, संयुक्त राष्टसंघ लगायतले पनि बधाइ दिएका छन्।
