तारकेश्वरमा श्रीमतीको हत्या

---

नयाँ पेज

२०८२ भदौ ५ बिहीबार १५:०४ बजे

काठमाडौं । काठमाडौंको तारकेश्वरमा बुधबार राति एक महिलाको हत्या भएको छ । तारकेश्वर नगरपालिका–१ बस्ने भीमसेन मग्रातीले श्रीमती शर्मिला मग्रातीलाई फरुवा प्रहार गरेर हत्या गरेको प्रहरीले जनाएको छ । 

प्रहरीले भीमसेनलाई पक्राउ गरिसकेको छ । घरयासी विवादमा भीमसनेले शर्मिलामाथि फरुवा प्रहार गरेको प्रहरीले जनाएको छ । जिल्ला प्रहरी परिसर काठमाडौंका प्रवक्ता एवं एसपी अपिल बोहराका अनुसार पक्राउ परेका भीमसेनमाथि प्रहरी वृत्त बालाजुले अनुसन्धान गरिरहेको छ ।