.gif)
 (1).png){kind=logo}
.png)
बाढीले मेलम्चीमा अस्थायी पुल बगायो
२०८२ असार ३ मंगलबार १५:०३ बजे
काभ्रे । लगातारको वर्षापछि आएको बाढीले सिन्धुपाल्चोकको मेलम्चीमा अस्थायी पुल बगाएको छ । गए रातिको वर्षाका कारण मेलम्ची नगरपालिका–११ स्थित फट्टेमा अस्थायी पुल बगाएको हो।पुलमा क्षति पुर्याएपछि मेलम्ची नगरपालिका–७ र ८, हेलम्बु गाउँपालिका–२ र ३ तथा पाँचपोखरी–१ र २ वडाका वासिन्दा प्रभावित भएका छन्।
वर्षा रोकिएपछि तत्कालै पुलको मर्मत थालिने मेलम्ची नगरप्रमुख आइतमान तामाङले बताए । २०७८ को बाढीले पक्की पुल बगाएपछि ह्युमपाइप राखेर अस्थायी पुल बनाइएको थियो। तर, वर्षायाम सुरु भएसँगै प्रत्येक वर्ष मेलम्ची नदी आसपास क्षेत्र स्थानीय प्रभावित हुँदै आएको छ।
