.gif)
 (1).png){kind=logo}
.png)
पूर्वराजालाई कारबाही गर्न डा. बाबुराम भट्टराईको सरकारलाई सुझाव
काठमाडौं । नेपाल समाजवादी पार्टीका अध्यक्ष तथा पूर्व प्रधानमन्त्री डा. बाबुराम भट्टराईले शुक्रबारको घटना पूर्वराजा ज्ञानेन्द्र शाहकै निर्देशनमा भएको भन्दै आवश्यक कारबाही अगाडि बढाउनु पर्ने बताएका छन् ।
गणतन्त्र पक्षधर दलहरुको सिंहदरबारमा बसेको बैठकमा सुरुमै आफ्नो धारणा राखेर बाहिरिने क्रममा सञ्चारकर्मीहरुसँग प्रतिक्रिया दिँदै उनले आफूहरु उदार भएर पूर्वराजा ज्ञानेन्द्र शाहलाई अहिलेसम्म पनि शाहले आफूलाई राजाकै रुपमा प्रस्तुत गरेको भट्टराईले टिप्पणी गरे । उनले सरकारलाई २ वटा सुझाव दिएको बताएका छन् । संविधानमार्फत नै राजसंस्थालाई उन्मुलन गरिएको र दलहरु उद्दार भएर शाहलाई देशमा नै शान्तिपूर्ण रुपमा रहने अवस्था सिर्जना गरिएको उल्लेख गरे ।
‘तर उनले आफूलाई राजा नै ठानेर त्यही रुपमा वक्तव्य दिने, सम्बोधन गर्ने कार्य सीधै ठगी धन्दा हो’, उनले आफ्नै उदाहरण दिँदै भने, ‘म पनि पूर्व प्रधानमन्त्री हुँ तर मैले पनि बहालवाला प्रधानमन्त्री भन्दै तपाईंहरुलाई ठग्दै लाभ लिँदै हिँडे भनें के हुन्छ ? मलाई कानूनले त कारबाही गर्छ । त्यसकारण उनलाई पनि कानूनी दायरामा ल्याएर कारबाही गरिनुपर्छ भन्ने सुझाव दिएको छु ।’
उनले चैत १५ मा भएको राजावादीहरुको प्रदर्शनले निम्त्याएको हिंसात्मक परिणामबारे पनि आवश्यक छानबिन गरेर कानूनअनुसार कारबाही गरिनुपर्ने सुझाव दिइएको बताए । त्यस्तै, संघीय लोकतान्त्रिक दल तथा गणतन्त्रका लागि दलहरुबीच एकता कायम हुनुपर्ने सुझाव दिएको उनले बताए ।
