.gif)
 (1).png){kind=logo}
.png)
राष्ट्रिय सभा बैठक पनि स्थगित
काठमाडौं । प्रमुख प्रतिपक्षी दलको अवरोधकै कारण राष्ट्रियसभा बैठक पनि स्थगित भएको छ । दिउँसो ३ः४५ बजे बैठक सुरु हुनासाथ प्रतिपक्षी सांसदहरू उठेर अवरोध गरेपछि बैठक स्थगित गरिएको हो ।
सभामुख नारायण दाहालले बारम्बार अवरोध हटाएर छलफलमा फर्किन आग्रह गरे पनि प्रतिपक्षीले नमानेपछि उनले बैठक स्थगित गर्ने घोषणा गरे । अब राष्ट्रियसभा बैठक चैत १४ गते बिहीबार दिउँसो १२ः४५ बजे बस्नेछ ।
यसअघि दिउँसो १ः१५ बजे सुरु भएको बैठक प्रतिपक्षीको अवरोधका कारण १५ मिनेटका लागि स्थगित गरिएको थियो । तर, विशेष कारणबस निर्धारित समयमा बैठक बस्न नसक्ने भन्दै संसद् सचिवालयले बैठकको समय परिवर्तन गरी ३ः४५ मा बोलाएको थियो ।
सरकारले नेपाल विद्युत् प्राधिकरणका कार्यकारी निर्देशक कुलमान घिसिङलाई बर्खास्त गरेको विरोधमा प्रमुख प्रतिपक्षी नेकपा माओवादी केन्द्रसहितका सांसदहरूले लगातार अवरोध गरिरहेका छन् । उनीहरूले बैठक सुरु हुनासाथ रोष्ट्रम घेराउ गर्दै विरोध जनाएपछि बैठक चल्न सकेन ।
