.gif)
 (1).png){kind=logo}
.png)
संवैधानिक नियुक्तिविरुद्धको रिटमा सकियो आजको सुनुवाइ, अर्को छैन टुङ्गो
काठमाडौं । विभिन्न संवैधानिक निकायका पदाधिकारी नियुक्तिविरुद्ध परेका रिटमा आज (बुधबार) को सुनुवाइ सकिएको छ । सर्वोच्च अदालतको संवैधानिक इजलासमा ५२ संवैधानिक पदाधिकारी नियुक्तिविरुद्धको मुद्दाको सुनुवाइ सकिएको हो ।
प्रधानन्यायाधीश प्रकाशमान सिंह राउतको अध्यक्षतामा संवैधानिक इजलासमा आज अभिवक्त ओमप्रकाश अर्याल र वरिष्ठ अधिवक्ता चन्द्रकान्त ज्ञवालीले बहस गरेका छन् । बहस नसकिएपछि बाँकी सुनुवाइ अर्को दिन हुनेछ । अर्को मिति भने तय भइसकेको छैन् । संवैधानिक इजलासले कानुन व्यवसायीसँग छलफल गरेको थियो ।
प्रधानमन्त्री केपी शर्मा ओलीको अघिल्लो कार्यकालमा प्रतिनिधिसभा विघटन भएका बेला संवैधानिक परिषदसम्बन्धी अध्यादेश जारी गरी संवैधानिक परिषद्ले विभिन्न संवैधानिक निकायमा ५२ पदाधिकारी नियुक्त गरेको थियो । त्यसबेला अख्तियार दुरुपयोग अनुसन्धान आयोग, लोक सेवा आयोग, निर्वाचन आयोगलगायतका निकायमा ५२ जना पदाधिकारीहरू नियुक्त भएका थिए । उनीहरूको नियुक्ति बदरको माग गर्दै सर्वोच्च अदालतमा १५ वटा निवेदन दर्ता भएका थिए ।
