कर्णालीका देवले बनाए अर्धशतक

---

नयाँ पेज

१६:२१ बजे

काठमाडौं । नेपाल प्रिमियर लिग (एनपीएल) मा विराटनगर किंग्सविरुद्ध कर्णाली याक्सका ओपनर देव खनालले अर्धशतक बनाएका छन् । आज (शनिबार) कीर्तिपुरस्थित त्रिवि क्रिकेट मैदानमा टस हारेर ब्याटिङमा आएको कर्णालीबाट देवले ४० बलमा ५० रन पूरा गरे ।

यसक्रममा उनले चार चौका र दुई छक्का प्रहार गरे । मंसिर १५ गतेदेखि प्रतियोगितामा अर्धशतक बनाउने देव १३औँ खेलाडी हुन् । कर्णालीबाट भने देव अर्धशतक बनाउने दोस्रो ब्याटर बने । देवअघि कर्णालीबाट शिखर धवनले प्रतियोगितामा अर्धशतक बनाएका थिए । जारी खेलको १३ ओभर समाप्त हुँदा कर्णालीले दुई विकेट गुमाएर ९३ रन बनाएको छ ।