.gif)
 (1).png){kind=logo}
.png)
रास्वपाले आज रुपन्देही–३ को उम्मेदवार घोषणा गर्दै
.jpg)
काठमाडौं । प्रतिपक्ष दल राष्ट्रिय स्वतन्त्र पार्टी (रास्वपा) ले रुपन्देही क्षेत्र नम्बर–३ मा आउँदो कात्तिक १७ गते हुने उपनिर्वाचनका निम्ति आज (आइतबार) उम्मेदवार घोषणा गर्ने भएको छ ।
आज काठमाडौंको वनस्थलीस्थित केन्द्रीय कार्यालयमा दिउँसो साढे १ बजे पार्टी सचिवालय बैठक बस्न लागेको प्रवक्ता मनिष झाले जानकारी दिए । उक्त बैठकपश्चात् उम्मेदवार घोषणा गरिने उनले जानकारी दिएका छन् । ‘बैठकपश्चात पार्टी प्रवेश कार्यक्रम र रुपन्देही–३ मा हुने उपनिर्वाचनको उम्मेदवार घोषणा कार्यक्रम हुनेछ’, उनले भने ।
सचिवालय बैठकमा रुपन्देही–३ मा उम्मेदवार छनोट मूल्यांकनबारे छलफल गरिनेछ । प्रवास विशेष अभियान सञ्चालनबारे र विविध विषयमा छलफल गरिने प्रस्तावित एजेण्डा छ । रुपन्देही–३ मा रास्वपाबाट उम्मेदवारका निम्ति नौं जना प्रतिस्पर्धामा छन् । उनीहरूमध्येबाट एक उम्मेदवार तय गरिनेछ ।
