.gif)
.png)
छानबिन समितिको निष्कर्ष : जीबी समूहले धेरै कम्पनी र सम्पत्ति कब्जा गरेको देखियो
काठमाडौं । सहकारी संस्था बचत रकम दुरुपयोग सम्बन्धमा संसदीय छानबिन विशेष समितिले गीतेन्द्रबाबु राई (जीवी) ले ठगीको शृङ्खला नै चलाएको निचोड निकालेको छ । जीबी राई समूहले हर्बो र गोर्खा ग्रुप मातहतका कम्पनीमा ऋण दिने र कानूनी परिबन्द पारेर फसाउने गरेको निष्कर्ष निकालेको हो ।
आज (शुक्रबार) सार्वजनिक गरिएको समितिको प्रतिवेदनमा धेरैको कम्पनी र सम्पत्ति कब्जा गरेको देखिएको जनाइएको छ । यसबारे छानबिन गरी कारबाही गर्नुपर्ने निष्कर्ष समितिको छ । प्रतिवेदनमा हर्बो ग्रुपले खोलेको साविक हाम्रो ग्रुप अफ कम्पनी लिमिटेड कब्जा गरेर जीवीले गोर्खा ग्रुप अफ कम्पनी बनाएपछि करिब ९०० मान्छेको बिचल्ली बनाएको पनि समितिले जनाएको छ ।
‘समग्रमा जीबी राईको समूहले हर्बो र गोर्खा ग्रुपका मातहतका व्यक्ति र कम्पनीहरूमा सहकारीको पैसा ऋण दिने, ऋण दिए बापत बिना लगानी शेयर हिस्सा लिने, विस्तारै सबै ऋणीहरूलाई धोका दिने र सम्पत्ति र कम्पनी सबै कब्जा गर्ने र ऋणीहरूलाई कुनै न कुनै कानूनी परिबन्द पारेर फसाउने गरेको र धेरैको कम्पनी र सम्पत्ति कब्जा गरेको देखिएको छ’, प्रतिवेदनमा भनिएको छ, ‘यो सबै विषयको लागि सरोकारवाला सबै निकायमा निर्देशन दिएर सत्य तत्थ छानबिन गर्दै कारबाही गर्नुपर्ने देखिन्छ ।’
