.gif)
 (1).png){kind=logo}
.png)
मन्डेकाजीले दिलाए नेपाललाई पहिलो स्वर्ण पदक
काठमाडौं, १६ मंसिर । १३ औं दक्षिण एसियाली खेलकुद (साग)मा कराँतेका मन्डेकाजी श्रेष्ठले नेपाललाई पहिलो स्वर्ण दिलाएका छन् । उनले सातदोबाटोस्थित नवनिर्मित कराँते हलमा सोमबार बिहान भएको फाइनलमा पुरुष एकल काँतामा स्वर्ण जितेका हुन् ।
उनले पाकिस्तानका नियामतुल्लाहलाई हराउँदै स्वर्ण जित्न सफल भए । मन्डेले २५.७२ अंक जोड्दा पाकिस्तानका प्रतिस्पर्धिले २४.९२ अंक मात्र जोडे ।
त्यसअघि सेमिफाइनलमा मन्डेले बंगलादेशका खेलाडीलाई पछि पार्दै फाइनलमा स्थान बनाए । मन्डेले २४ तथा बंगलादेशका खेलाडीले २२.८ अंक जोडे । श्रीलंकाका सोन्थारारासा बालुराज पाकिस्तानका नियामतुल्लाहसँग पराजित कास्य जिते ।
यससँगै मन्डेले दुई दशकपछि नेपाललाई काँतामा स्वर्ण दिलाउन सफल भएका छन् । नेपालमै भएको आठौं सागमा गंगाराम महर्जनले काँतामा नेपाललाई स्वर्ण दिलाएका थिए । त्यसयता काँतामा नेपाल स्वर्णविहीन हुदै आएको थियो ।
यसअघि महिला एकल कातामा भने नेपालकी चञ्चला दनुवारले रजत पदक दिलाई सकेकी छिन् ।
यो पनि पढ्नुहोस्
चञ्चला दनुवारले दिलाइन नेपाललाई पहिलो पदक, जितिन रजत पदक
