.gif)
 (1).png){kind=logo}
.png)
चञ्चला दनुवारले दिलाइन नेपाललाई पहिलो पदक, जितिन् रजत पदक
१९:५४ बजे
काठमाडौं, १६ मंसिर । नेपालकी चञ्चला दनुवारले १३ औ दक्षिण एसियाली खेलकुद(साग)मा नेपाललाई पहिलो पदक दिलाएकी छिन् ।
सोमबार सातदोबाटोस्थित कराते प्रशिक्षण केन्द्रमा भएको खेलमा चञ्चलाले महिला एकल कातामा रजत पदक जितेकी हुन् ।
उनलाई फाइनलमा पाकिस्तानकी सइदासंग ४२–२५ ले पराजित भइन् । त्यसअघि पहिलो चरणमा चन्चला समूह ए बाट शीर्षस्थानमा रहँदै फाइनल प्रवेश गरेकी थिइन् ।
यस अघि पहिलो चरणमा भुुटानकी सोनाम ल्हामो र बंगलादेशकी हुमाइरा अख्तरलाई पछि पारेकी हुन् । चन्चलाले २४.०२ अंक जोडेकी हुन् । सोनामले २०.४२ अंक जोड्दा अख्तरले २१.६ अंक ल्याइन् ।
अर्को समूहबाट पाकिस्तानकी साहिदा फाइनलमा प्रवेश गरिन् । उनले २४.८२ अंक जोड्दै २३।८८ अंक ल्याएकी श्रीलंकाकी हेत्ती अर्चाचिलागेलाई हराइन ।
