.gif)
 (1).png){kind=logo}
.png)
दसैंको अन्तिम दिन : टीका थाप्ने र उपत्यका फर्किनेको चहलपहल
२०८३ कार्तिक ९ आइतबार १५:२२ बजे
काठमाडौं : दसैंको अन्तिम दिन आइतबार काठमाडौं उपत्यकामा चहलपहल बढेको छ।
मान्यजनबाट टीका, जमरा र आशीर्वाद थाप्न जाने तथा दसैं मनाउन उपत्यकाबाहिर गएकाहरू फर्किन थालेपछि सडकमा चहलपहल देखिएको हो।
आश्विन शुक्ल चतुर्दशी र कोजाग्रत पूर्णिमाका अवसरमा मान्यजनको हातबाट नवदुर्गाको प्रसादस्वरूप टीका र जमरा लगाउने क्रम जारी छ।
विजयादशमीदेखि सुरु भएको टीका थाप्ने र आशीर्वाद लिने परम्परा कोजाग्रत पूर्णिमासम्म चल्ने गर्छ।
दसैं मनाउन काठमाडौं उपत्यकाबाट गाउँघर गएकाहरू फर्किन थालेसँगै सडकमा सवारीसाधनको चापसमेत बढेको छ। कोजाग्रत पूर्णिमासँगै यस वर्षको दसैं औपचारिक रूपमा समापन हुँदैछ।
