.gif)
 (1).png){kind=logo}
.png)
आज जुम्लामा सार्वजनिक बिदा
जुम्ला : कर्णाली प्रदेश सरकारले चन्दननाथ र भैरवनाथ मन्दिरमा हुने परम्परागत लिंगो तान्ने पर्वका अवसरमा आज जुम्ला जिल्लाभर सार्वजनिक बिदा दिएको छ ।
हरेक वर्ष असोज कृष्ण त्रयोदशीका दिन चन्दननाथ र भैरवनाथ मन्दिरमा लिंगो तान्ने धार्मिक तथा सांस्कृतिक कार्यक्रम आयोजना हुँदै आएको छ।
त्यसै अवसरमा प्रदेश सरकारले जुम्लाभर सार्वजनिक बिदा दिएको मुख्यमन्त्री तथा मन्त्रिपरिषद्को कार्यालयका प्रदेश सचिव लक्ष्मीकुमार विकले जानकारी दिए ।
चन्दननाथ–भैरवनाथ मन्दिरको वार्षिक स्थापना दिवसका अवसरमा लिंगो तान्ने परम्परा रहिआएको छ । यस दिन मन्दिरमा रहेको पुरानो लिंगो निकालेर नयाँ लिंगो ठड्याउने गरिन्छ ।
यो परम्परा धार्मिक आस्था र स्थानीय संस्कृतिसँग जोडिएको महत्वपूर्ण पर्वका रूपमा मनाइँदै आएको छ ।
लिंगो तान्ने कार्यक्रममा स्थानीय बासिन्दाका साथै भक्तजनको समेत सहभागिता रहने गर्दछ । पर्वका अवसरमा मन्दिर परिसरमा विशेष धार्मिक गतिविधि तथा पूजाआजा हुने गर्दछ ।
