.gif)
 (1).png){kind=logo}
.png)
एक्स्ट्रिम इनर्जी ड्रिङ्क्सद्वारा रु. १ करोड सहयोग हस्तान्तरण
२०८३ भदौ १२ शुक्रबार १६:१५ बजे
काठमाडौं : बाढी तथा पहिरोबाट प्रभावित नागरिकको उद्धार, राहत तथा पुनर्स्थापनामा सहयोग पुर्याउने उद्देश्यले एक्स्ट्रिम इनर्जी ड्रिङ्क्सले रु. १ करोड सहयोग हस्तान्तरण गरेको छ।
कम्पनीले आज उक्त रकम नेपाल सरकारका अर्थमन्त्रीसमक्ष हस्तान्तरण गरेको हो। विपद्को कठिन घडीमा सरकारसँग ऐक्यबद्धता जनाउँदै प्रभावित नागरिकको राहत तथा पुनर्स्थापनाका लागि उक्त रकम प्रधानमन्त्री दैवी प्रकोप उद्धार कोषमा प्रदान गरिएको कम्पनीले जनाएको छ।
सहयोग हस्तान्तरण गर्दै एक्स्ट्रिम इनर्जी ड्रिङ्क्सले बाढी तथा पहिरोबाट प्रभावित सम्पूर्ण नागरिकप्रति ऐक्यबद्धता व्यक्त गरेको छ। साथै, उद्धार, राहत तथा स्वास्थ्य सेवामा खटिएका सुरक्षाकर्मी, स्वास्थ्यकर्मी, स्वयंसेवक तथा सम्बन्धित निकायप्रति सम्मान व्यक्त गरेको छ।
कम्पनीले विपद्को समयमा नागरिकको जीवनरक्षा तथा पुनर्स्थापनाका लागि राज्य र सम्बन्धित निकायसँग आवश्यक सहकार्य गर्दै आगामी दिनमा पनि राष्ट्र तथा नागरिकको हितमा सामाजिक उत्तरदायित्वअन्तर्गत सहयोगलाई निरन्तरता दिने प्रतिबद्धता जनाएको छ।
