.gif)
 (1).png){kind=logo}
.png)
रास्वपाको नयाँ नेतृत्वको शपथ आजै साँझ ६ बजे, केही बेरमा नतिजा सार्वजनिक हुँदै
महाधिवेशन स्थलमै साँझ ६ बजे शपथ ग्रहणको तयारी
२०८३ असार १२ शुक्रबार १६:४३ बजे
काठमाडौं : राष्ट्रिय स्वतन्त्र पार्टी (रास्वपा) को प्रथम महाधिवेशन अन्तर्गत नयाँ नेतृत्व चयनका लागि भएको मतदान प्रक्रिया सम्पन्न भएको छ। मतदान सकिएसँगै अहिले मतगणना कार्य भइरहेको छ भने केही बेरमै आधिकारिक नतिजा घोषणा हुने तयारी छ।
पार्टीका नवनिर्वाचित पदाधिकारी तथा केन्द्रीय सदस्यहरूलाई आजै साँझ ६ बजे शपथ ग्रहण गराउने कार्यक्रम तय गरिएको छ। महाधिवेशनस्थलमै निर्माण गरिएको विशेष हलमा शपथ ग्रहण समारोह सञ्चालन हुने पार्टी स्रोतले जनाएको छ।
महाधिवेशनले पार्टीको आगामी कार्यदिशा तय गर्ने र नयाँ नेतृत्व चयन गर्ने भएकाले यसलाई रास्वपाको आन्तरिक राजनीतिमा निकै महत्वपूर्ण रूपमा हेरिएको छ। आज साँझसम्म नयाँ पदाधिकारीहरूले पदभार ग्रहण गरेसँगै रास्वपाले नयाँ सांगठनिक संरचनाका साथ आफ्नो यात्रा अघि बढाउनेछ।
