.gif)
 (1).png){kind=logo}
.png)
रास्वपालाई गगन थापाको शुभकामना : विचार, संगठन र नीतिका दृष्टिले अझ परिपक्व बन्नुहोस्
‘छोटो समयमै बलियो उपस्थिति प्रशंसनीय’
काठमाडौँ: नेपाली कांग्रेसका महामन्त्री गगन थापाले आइतबारदेखि सुरु हुन लागेको राष्ट्रिय स्वतन्त्र पार्टी (रास्वपा) को पहिलो ऐतिहासिक राष्ट्रिय महाधिवेशनको सफलताको कामना गरेका छन्। रास्वपा सभापति रवि लामिछानेलाई मेन्सन गर्दै थापाले सामाजिक सञ्जालमार्फत शुभकामना सन्देश व्यक्त गरेका हुन्।
स्थापनाको छोटो समयमै रास्वपाले प्राप्त गरेको जनसमर्थन र राष्ट्रिय राजनीतिमा बनाएको बलियो उपस्थितिलाई थापाले 'प्रशंसनीय' भनेका छन्। उनले लेखेका छन्, 'तपाईंको नेतृत्वमा संगठन निर्माणदेखि निर्वाचनसम्मको यो यात्रा लोभलाग्दो छ। यो महाधिवेशन विचार, संगठन र नीतिका दृष्टिले अझै परिपक्व र दूरदर्शी दृष्टिकोण निर्माण गर्ने ऐतिहासिक अवसर हो।'
महामन्त्री थापाले रास्वपाको यो महाधिवेशनले लोकतान्त्रिक मूल्य-मान्यता र संविधानप्रदत्त नागरिक अधिकारको संरक्षण गर्न पार्टीलाई थप जिम्मेवार, जवाफदेही र वैचारिक रूपमा स्पष्ट बनाउने विश्वास समेत व्यक्त गरेका छन्।
प्रिय रवि लामिछानेजी,
सभापति, राष्ट्रिय स्वतन्त्र पार्टी,
तथा रास्वपा परिवार,
हार्दिक शुभकामना!
राष्ट्रिय स्वतन्त्र पार्टीको प्रथम राष्ट्रिय महाधिवेशनको अवसरमा तपाईं र सम्पूर्ण रास्वपा परिवारलाई हार्दिक शुभकामना!
पार्टी स्थापनाको छोटो अवधिमै राष्ट्रिय स्वतन्त्र पार्टीले उल्लेखनीय जनसमर्थनसहित राष्ट्रिय राजनीतिमा आफूलाई बलियो रूपमा स्थापित गरेको छ। तपाईंको नेतृत्वमा संगठन निर्माणदेखि निर्वाचनसम्मको यो यात्रा प्रशंसनीय छ।
यो महाधिवेशन रास्वपाका लागि विचार, संगठन र नीतिका दृष्टिले अझ परिपक्व, जिम्मेवार र दूरदर्शी दृष्टिकोण निर्माण गर्ने ऐतिहासिक अवसर हो।
यो महाधिवेशनले लोकतान्त्रिक मूल्य र अभ्यासहरूलाई आत्मसात् गर्न तथा संविधानप्रदत्त नागरिक अधिकारको संरक्षण गर्न पार्टीलाई वैचारिक रूपमा स्पष्ट, जवाफदेही र थप उत्तरदायी गराउन गति र ऊर्जा प्रदान गर्नेछ भन्ने अपेक्षा लिएको छु।
तपाईंको आगामी राजनीतिक यात्रा तथा रास्वपाको प्रथम महाधिवेशनको पूर्ण सफलताको कामना गर्दछु।
जय नेपाल!
