राहदानी छपाइ अनियमितता प्रकरणमा अख्तियारद्वारा थप दुई जना पक्राउ

अनुसन्धानका लागि विशेष अदालतबाट ३ दिनको म्याद

---

नयाँ पेज

२०८३ असार ३ बुधबार १५:०४ बजे

काठमाडौँ :  राहदानी छपाइमा भएको अनियमितता प्रकरणमा अनुसन्धान गर्न अख्तियार दुरुपयोग अनुसन्धान आयोगले थप दुई जनालाई पक्राउ गरेको छ। पक्राउ पर्नेमा जर्मन कम्पनी भेरिकोषका नेपाल प्रतिनिधि मुनिन्द्रराज मल्ल र राहदानी विभागका तत्कालीन लेखा अधिकृत तुलसीप्रसाद आचार्य रहेका छन्।

उनीहरूमाथि थप अनुसन्धान अघि बढाउन अख्तियारले विशेष अदालतबाट ३ दिनको म्याद थप गरेको छ। यसअघि असार १ गते साँझ आयोगले विभागका महानिर्देशक तीर्थराज अर्याल र सूचना प्रविधि निर्देशक सुनिल कुमार केसीलाई पक्राउ गरेको थियो।

प्रधानमन्त्री तथा मन्त्रिपरिषद्को कार्यालयका उच्च अधिकृतहरूका अनुसार, महानिर्देशक अर्याललाई सुरुमा प्रधानमन्त्री कार्यालयमै बोलाएर प्रारम्भिक सोधपुछ गरिएपश्चात् अख्तियारको जिम्मा लगाइएको थियो।