.gif)
 (1).png){kind=logo}
.png)
हर्क, बालेन, रेनु लगायतको राजीनामा : ६ महिनाभित्र उपनिर्वाचन हुने
काठमाडौँ : कतिपय प्रदेश सभा सदस्य र स्थानीय तहका पदाधिकारीले राजीनामा दिएर प्रतिनिधिसभा सदस्यको उम्मेदवारी दिएका छन् । ती पद रिक्त भएका स्थानमा ६ महिनाभित्र उपनिर्वाचनको मिति तय गरिने निर्वाचन आयोगले जनाएको छ।
निर्वाचन आयोगका कार्यवाहक प्रमुख निर्वाचन आयुक्त रामप्रसाद भण्डारीका अनुसार आगामी फागुन २१ गतेको प्रतिनिधिसभा निर्वाचन सम्पन्न भएपछि आयोग उपनिर्वाचनको तयारीतर्फ लाग्नेछ ।
भण्डारीले भने, ‘२१ फागुनमा प्रतिनिधिसभाको निर्वाचन गर्ने अठोट पुरा गर्छौँ । त्यसपछि प्रदेश र स्थानीय तहमा कुन-कुन ठाउँमा कसरी पदहरू खाली भए भनेर हेर्छौँ र सरकारसँग समन्वय गरेर उपनिर्वाचनको मिति तोक्छौँ।’
उनका अनुसार प्रदेश सभा सदस्य र स्थानीय तहका पदाधिकारीको पद रिक्त भएको अवस्थामा ६ महिनाभित्र उपनिर्वाचनको मिति तोक्नुपर्ने कानुनी व्यवस्था छ । आयोग सोही प्रावधानअनुसार अघि बढ्ने उनले बताए ।
स्थानीय तहका पदाधिकारी वा प्रदेश सभा सदस्यको पद ६ महिनाभन्दा बढी समय खाली रहने अवस्था आएमा उपनिर्वाचन अनिवार्य हुने व्यवस्था रहेको र आयोगले यसलाई ध्यानमा राखेर काम गर्ने भण्डारीले स्पष्ट पारे।
