.gif)
 (1).png){kind=logo}
.png)
२४ गते देश जलाउनेहरू देशद्रोही हुन्, अपराधी हुन् : केपी शर्मा ओली
काठमाडौँ : नेकपा (एमाले)का अध्यक्ष केपी शर्मा ओलीले भदौ २४ गते आगजनी गर्नेहरू देशद्रोही भएको आरोप लगाएका छन् ।
बुधबार भूतपूर्व सैनिक तथा प्रहरी संगठनको स्थापना दिवस समारोहलाई सम्बोधन गर्दै उनले आगजनी गर्नेहरूलाई देशद्रोही भनेका हुन् । अध्यक्ष ओलीले भने, 'भदौ २४ को घटना तत्कालीन घटनाक्रमको उपज होइन, आठ-दश वर्षदेखिको तयारी हो।'
उनले थपे, 'देश जलाउनेहरू देशद्रोही हुन्, अपराधी हुन्, आन्दोलनकारी होइन। मैले जेनजीलाई भनेको होइन। उनीहरूले जलाएका होइनन्।' जेनजी आन्दोलनमा घुसपैठ गरेर आगजनी र तोडफोड गरिएको उनको भनाइ थियो।
उनले भने, 'आत्मा किनिएका, आत्मा बेचिएका तत्वले देश जलाएका छन्।' त्यो दिन खोजी-खोजी आगजनी गरिएको भन्दै उनले संलग्न व्यक्ति साधारण नभएको बताए। अध्यक्ष ओलीले भने, 'खोजी खोजी त्यो ठाउँ जलाएको छ, जहाँ खास मान्छेका फाइल थिए । ट्रेन्ड मान्छे गएको छ।'
उक्त घटना बिर्सन नसकिने रहेको उनले बताए । अब त्यसबाट अघि बढेर देश बनाउनुपर्ने आवश्यकता रहेको ओलीको भनाइ थियो। उनले देश निर्माणको नेतृत्व एमालेले गर्ने दाबी गरे।
