.gif)
 (1).png){kind=logo}
.png)
स्वास्थ्य मन्त्रालयको काम अब अनुसन्धान परिषद्को भवनबाट
२०८२ भदौ २८ शनिबार २०:४६ बजे
काठमाडौं : जेनजीको आन्दोलनको क्रममा स्वास्थ्य मन्त्रालयमा आगजनी भएको हुँदा अब मन्त्रालयले नेपाल स्वास्थ्य अनुसन्धान परिषद्को भवनबाट सेवा दिने तयारी गरेको छ ।
आइतबार सबै कर्मचारीलाई उपस्थित गराई काम सुरु गर्न लागेको स्वास्थ्य मन्त्रलयले जनाएको छ । क्षतिग्रस्त भवनलाई पहिला सरसफाई गरी मन्त्रालयमा सुरक्षित रहेका कागजात एवम सामानहरुको संकलन गर्ने काम हाल कर्मचारीहरुले गरिहरेका छन् ।
स्वास्थ्य अनुसन्धान परिषद्को भवन हालको मन्त्रालय भवनको पछाडिपट्टि छ । त्यहीबाट स्वास्थ्य मन्त्रालयको कामकारबाही गर्ने गरी तयारी भइरहेको मन्त्रालयले जनाएको छ ।
परिषद्को दुईवटा भवनमध्ये नयाँ भवन सन्चालनमा आएको छैन । पुरानो भवनमा केही कोठाहरु लिएर काम सुरु गर्ने मन्त्रालयका कर्मचारीहरुले गरिरहेका छन् ।
