रास्वपा उम्मेदवार लेखजंग थापाको पत्रकार सम्मेलन किन भयो अचानक स्थगित ?

---

नयाँ पेज

२०८२ भदौ १६ सोमबार १२:४७ बजे

काठमाडौं । राष्ट्रिय स्वतन्त्र पार्टी (रास्वपा) ले रूपन्देही–३ का लागि छनोट गरेका उम्मेदवार डा. लेखजंग थापासहितको पत्रकार सम्मेलन अचानक स्थगित भएको छ । थापा बहुविवाह विवादमा तानिएपछि रास्वपाले उनलाई राखेर गर्ने भनिएको पत्रकार सम्मेलन स्थगित गरेको हो ।

आज दिउँसो २ बजेका लागि तय गरिएको पत्रकार सम्मेलन स्थगित गरिएको प्रवक्ता मनिष झाले जानकारी दिए । तर, अर्को समय तोकिएको भने छैन । रास्वपाले गत साउन ७ देखि भदौ ८ गतेसम्म रूपन्देही–३ को उपनिर्वाचनको लागि उम्मेदवार चयन प्रक्रिया चलाएको थियो ।

आइतबार मात्र डा लेखजंग थापालाई उम्मेदवार घोषणा गरेको थियो । तर, उनलाई उम्मेदवार बनाउने घोषणापछि थापाले दुई विवाह गरेको विषय बाहिरिएको थियो ।