न्याय सेवाका आठ सहसचिवको सरुवा

---

नयाँ पेज

२०८२ भदौ १० मंगलबार १९:३४ बजे

काठमाडौं । न्याय सेवाका आठ सहसचिवको सरुवा भएको छ । न्याय परिषदले उनीहरूको सरुवा गरेको हो । जसअनुसार विशेष अदालतका रजिस्ट्रार न्याय परिषद्मा सरुवा भएका छन् ।

उच्च अदालत पाटनका रजिष्ट्रार श्रीलाल पौडेल सर्वोच्च अदालतमा, सर्वोच्चका सह रजिस्ट्रार वेदप्रसाद उप्रेती विशेष अदालतमा, न्याय परिषद् सचिवालयका सहसचिव अशोककुमार क्षेत्री उच्च अदालत पाटनमा, उच्च अदालत जनकपुर अस्थायी इजलास वीरगन्जका रजिस्ट्रार दीपक भण्डारी सर्वोच्च अदालतमा सरुवा भएका छन् । 

त्यस्तै उच्च अदालत दिपायलका रजिस्ट्रार तारादत्त बडू जनकपुर अस्थायी इजलास वीरगन्जमा, उच्च अदालत पाटन हेटौँडा इजलासका रजिस्ट्रार रामु शर्मा उच्च अदालत पोखरामा र उच्च अदालत तुलसीपुर नेपालगञ्ज इजलासका रजिस्ट्रार सपना अधिकारीको उच्च अदालत पाटन हेटौँडा इजलासमा सरुवा भएको हो ।