विन्दा पाण्डेसँग ओलीको ४० मिनेट संवाद, पार्टीमा जिम्मेवारी दिन तयार

---

नयाँ पेज

२०८२ बैशाख ३ मंगलबार ०५:३८ बजे

काठमाडौं  : नेकपा (एमाले) का अध्यक्ष केपी शर्मा ओलीले निलम्बित स्थायी कमिटी सदस्य डा विन्दा पाण्डेलाई पार्टीमा जिम्मेवारी दिन तयार भएका छन् । त्यसका लागि अध्यक्ष ओलीले ‘अनुशासन’को शर्त राखेका छन् । 

११ पुस २०८१ मा बसेको नेकपा (एमाले) को सचिवालय बैठकले डा.पाण्डे सहित पूर्वउपाध्यक्ष डा। भीम रावल, र केन्द्रीय सदस्य उषाकिरण तिम्सिनालाई कारबाही गरेको थियो । रावललाई निष्कासन गरेको थियो भने पाण्डे र तिम्सिनालाई ६ महिनाका लागि निलम्बन गरेको थियो । निलम्बनको समय सकिएपछि मंगलबार अध्यक्ष ओलीले डा.पाण्डेसँग भेटेका हुन् । स्रोतका अनुसार ओलीले पाण्डेसँग ४० मिनेट संवाद गरेका थिए । पाण्डेलाई जिम्मेवारी दिन तयार रहेको तर त्यसका लागि अनुशासनमा बसेर काम गर्नुपर्ने सर्त राखेको स्रोतले जनाएको छ । 

उनीहरुलाई कारबाही गर्दा उपाध्यक्षत्रय युवराज ज्ञवाली, अष्टलक्ष्मी शाक्य, सुरेन्द्र पाण्डे र सचिवद्वय योगेश भट्टराई र गोकर्ण विष्टले अहमति राखेका थिए । यसअघि यी तीन नेताहरूले व्यवसायी मीनबहादुर गुरुङले पार्टीलाई दिएको १० रोपनी १४ आना जग्गाबारे अभिव्यक्ति दिएका थिए । उनीहरूले 'दानमा बनेको आलिसान बिल्डिङभन्दा मदननगरमा बनेको सानै घर प्यारो हुने' बताएका थिए ।