त्रिपुरेश्वरमा भेटियो शंकास्पद वस्तु

---

नयाँ पेज

२०८१ फाल्गुण ६ मंगलबार १०:०३ बजे

काठमाडौं । काठमाडौंको त्रिपुरेश्वर बस स्टप नजिकै शंकास्पद वस्तु फेला परेको छ । कम्बलले बेरिएको अवस्थामा शंकास्पदा बस्तु देखिएपछि अहिले  उक्त स्थानमा नेपाली सेना र नेपाल प्रहरीको टोली परिचालन गरिएको छ ।

जिल्ला प्रहरी परिसर, काठमाडौंका एसएसपी अपिल बोहोराले शंकास्पद वस्तु भएको सूचना पाएपछि अनुसन्धानका लागि टोली खटाइएको जानकारी दिए । उनले भने, ‘कम्बलले बेरेको अवस्थामा केही शंकास्पद वस्तु छ भन्ने खबर प्राप्त भएकाले हामी बुझ्दैछौं ।’ हाल घटनास्थलमा ठूलो संख्यामा प्रहरी परिचालन गरिएको छ । सुरक्षाका कारण त्रिपुरेश्वर क्षेत्रको सडकमा आवागमन प्रभावित भएको छ भने एम्बुलेन्सहरू पनि उक्त स्थानतर्फ गइरहेका छन् ।