धनुषामा बोरामा शव फेला

---

नयाँ पेज

२०८१ पौष ४ बिहीबार २२:३७ बजे

धनुषा । धनुषामा बोराभित्र एक जनाको शव भेटिएको छ । धनुषाको मिथिला बिहारी नगरपालिका–२ पुरन्डाहास्थित परशुराम तलाउ नजिक पुलमुनि बोराभित्र राखिएको अवस्थामा एक जनाको शव भेटिएको धनुषाका प्रहरी प्रवक्ता डीएसपी बरुणबहादुर सिंहले जानकारी दिएका छन् । जुटको बोरामा सडेगलेको अवस्थामा शव भेटिएको सिंहले बताएका छन् ।

बोराभित्र भेटिएको शव महिला वा पुरुष कसको हो भन्ने खुलिनसकेको प्रहरीले जनाएको छ । घटनास्थलमा अनुसन्धानका लागि तालिम प्राप्त कुकुरसहितको टोली परिचालन गर्न लागिएको डीएसपी सिंहले जानकारी दिए । बिहीबार दिउँसो ३ बजेतिर बोराभित्र शव रहेको भन्ने स्थानीयले जानकारी गराएका थिए ।