.gif)
 (1).png){kind=logo}
.png)
क्रिकेट लिजेन्ड ब्रायन लारा भोलि नेपाल आउँदै
काठमाडौं । विश्व क्रिकेटका महान ब्याटर ब्रायन लारा भोलि (शुक्रबार) नेपाल आउने भएका छन् । लारा भोलि बिहान ८:३० मा नेपाल आइपुग्ने नेपाल क्रिकेट संघ (क्यान) ले जनाएको हो । नेपाल प्रिमियर लिग (एनपीएल) का लागि लारा नेपाल आउन लागेको क्यानले जनाएको छ ।
लारालाई स्वागत गर्न नेपाल क्रिकेट संघ (क्यान) का पदाधिकारीहरु विमानस्थल पुग्ने छन् । विश्व विख्यात वेष्ट इण्डियन खेलाडी पहिलो पटक नेपाल आउन लागेका हुन् । उनले त्रिवि मैदानमा गएर एनपीएलका केही खेलहरु हेर्नेछन् भने क्रिकेट खेलाडीहरुसँग साक्षात्कार समेत गर्ने जनाइएको छ । लाराले नेपालमा तीन–चार दिन बिताउने छन् । उनी एनपीएल फाइनलसम्म भने नबस्ने बताइएको छ ।
महान क्रिकेटर लाराको नाममा टेस्ट क्रिकेटमा एकै इनिङमा नटआउट ४ सय रन बनाउने कीर्तिमान छ । ५५ वर्षे लाराले ओडीआई र टेस्ट क्रिकेट दुवैमा १० हजार बढी रन बनाएका छन् । यस्तै उनले दुई सय ९९ एक दिवसीय अन्तर्राष्ट्रिय खेलमा १९ शतक र ६३ अर्धशतक हान्दै १० हजार चार सय ५ रन बनाएका छन् ।
