.gif)
.png)
बुवाको किरिया कर्म गर्दागर्दै छोराको पनि निधन
२०८१ श्रावण १५ मंगलबार ००:११ बजे
झापा । झापाको शिवसताक्षीमा दिवंगत बुबाको १३ दिने किरिया कर्म गर्न बसको एक व्यक्तिको निधन भएको छ । शिवसताक्षी नगरपालिका–११ प्रणामी मन्दिर उत्तरका ४५ वर्षीय गणेश घिमिरेको बुबाको किरिया कर्ममा बसेकै समयमा निधन भएको हो ।
काजकिरिया बसिरहेको अवस्थामा घिमिरेलाई अचानक पेट दुखेर उपचारका लागि आइतबार विराटनगर लगिएको थियो । उनको उपचारकै क्रममा सोमबार साँझ निधन भएको हो । सवारी दुर्घटनामा परी घाइते बुबा दिलबहादुर घिमिरेको साउन ७ गते उपचारका क्रममा निधन भएको थियो । बुवाको आठौँ दिनको काम गर्दागर्दै जेठा छोरा गणेशको निधन भएको परिवारले जनाएको छ ।
