दानबहादुर कार्कीको रिटमा कारण देखाऊ आदेश जारी
सर्वोच्चद्वारा अन्तरिम आदेश अस्वीकार
काठमाडौं : निवर्तमान प्रहरी महानिरीक्षक (आईजीपी) दानबहादुर कार्कीलाई पुनर्बहाली गर्न माग गर्दै दायर रिटमा सर्वोच्च अदालतले अल्पकालीन अन्तरिम आदेश दिन अस्वीकार गरेको छ ।
न्यायाधीश श्रीकान्त पौडेलको एकल इजलासले तत्काल अन्तरिम आदेश नदिई सरकारका नाममा कारण देखाउ आदेश जारी गरेको हो ।
कार्कीलाई प्रहरी महानिरीक्षकमा पुनर्बहाली नगर्नुपर्ने कारण पेश गर्न अदालतले सरकारलाई आदेश दिएको छ । साथै, अन्तरिम आदेश जारी गर्ने वा नगर्ने भन्ने विषयमा छलफल गर्न दुवै पक्षलाई बोलाइएको छ ।
सबै विपक्षीको लिखित जवाफ प्राप्त भएपछि मुद्दाको नियमित सुनुवाइको मिति तोकिनेछ । अदालतको आदेश भने सार्वजनिक भइसकेको छैन ।
.gif)

.png)




