छठ बिदामा पनि राहदानी विभागले सेवा दिने

२०८३ कार्तिक २७ शुक्रबार १८:०६ बजे

काठमाडौं : छठ पर्वका अवसरमा सार्वजनिक बिदा भए पनि राहदानी विभागले नियमित सेवा सञ्चालन गर्ने भएको छ ।

सोमबार कात्तिक ३० गते बिहान ९ बजेदेखि अपराह्न ४ बजेसम्म राहदानीसम्बन्धी सेवा उपलब्ध हुने विभागका महानिर्देशक दीपक विश्वकर्माले जानकारी दिए ।

सार्वजनिक बिदाका कारण सेवाग्राहीलाई राहदानी सेवा लिन असुविधा नहोस् भन्ने उद्देश्यले विभाग खुला राख्ने निर्णय गरिएको उनले बताए ।

छठ पर्व मनाउने कर्मचारीहरूलाई भने विभागले सोमबार बिदा दिएको छ ।