.gif)
 (1).png){kind=logo}
.png)
हामीले नेतालाई भगवान् बनाएर गल्ती गर्यौँ, तपाईंहरूले त्यस्तो गल्ती नगर्नुहोला : गगन थापा
2026-06-21-19-46-16.jpg)
काठमाडौँ : नेपाली कांग्रेसका सभापति गगन थापाले राष्ट्रिय स्वतन्त्र पार्टी (रास्वपा) का कार्यकर्तालाई आफ्ना नेताहरूलाई ‘भगवान्’ नबनाउन सुझाव दिएका छन् । रास्वपाको प्रथम महाधिवेशनलाई सम्बोधन गर्दै सभापति थापाले कार्यकर्ताहरूलाई आफ्नै दलभित्र पनि प्रश्न गर्न नछाड्न आग्रह गरे ।
रास्वपाजनलाई सम्बोधन गर्दै थापाले भने, ‘तपाईँहरूले आफ्नै दलभित्र पनि प्रश्न गर्न छाड्नु हुँदैन। हामीले आफ्नै दलका नेताहरूलाई ‘भगवान्’ र ‘बा’ बनाएर गल्ती गरिसकेका छौँ, तपाईँहरूले त्यस्तो गल्ती नगर्नुहोला। गल्ती गर्दा आफ्ना नेताहरूलाई पनि प्रश्न सोध्न नडराउनुहोस्।’
सभापति थापाले आफ्ना पुराना अनुभव साझा गर्दै भने, 'हामीले ढिला गर्यौँ र त्यसको सजाय पनि पायौँ। हाम्रो पार्टी दास र लासको होइन भनेर केही अघि नै बोल्न सक्नुपथ्र्यो, तर हामीले सकेनौँ। हामीले गरेको त्यो गल्तीबाट तपाईँहरूले सिक्नुहोला। आफ्नै नेतालाई प्रश्न गर्ने आँट र साहस राख्नुहोस्। गल्ती हुँदा अन्य पार्टीलाई भन्दा पहिले आफ्नै पार्टीलाई औँल्याउन सक्नुपर्छ।’
