.gif)
 (1).png){kind=logo}
.png)
नेकपा एमालेको सचिवालय बैठक सुरू
२०८२ असोज १२ आइतबार १३:५८ बजे
2025-09-04-20-57-24.jpg)
काठमाडौँ : नेकपा एमालेको सचिवालय बैठक सुरु भएको छ । एमालेका अध्यक्ष केपी शर्मा ओलीको निवास गुण्डुमा बैठक सुरु भएको नेकपा एमालेका एक नेताले जानकारी दिए ।
जेनजी आन्दोलन र सत्ता पलटपछि पहिलो पटक बसेको एमालेको यो औपचारिक बैठकलाई सर्वत्र चासोका साथ हेरिएको छ । बैठकमा जेन जी संघर्ष, भौतिक तथा मानवीय क्षति, तत्कालीन सरकारको भूमिका र पार्टीको अबको रोडम्यापबारे छलफल हुने बताइएको छ ।
जेनजी आन्दोलनले जबरजस्त स्थापित गरेको युवा नेतृत्वको आवाज, दलहरूमा सुरू भएको पुनर्गठन र रूपान्तरणको विषयले एमालेको बैठकमा पनि प्रवेश पाउने बताइएको छ ।
आइतबारको बैठकले गोदावरीमा सम्पन्न विधान महाधिवेशन र त्यसपछि उत्पन्न राजनीतिक परिस्थितिको समीक्षा पनि गरिने ती नेताले बताएका छन् ।
