.gif)
 (1).png){kind=logo}
.png)
रुपन्देहीमा राम्रो नतिजा ल्याउँछौं, एक्लै लड्ने तयारी गर्नुस् : प्रचण्ड
.jpg)
बुटवल । प्रमुख प्रतिपक्षी नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले रुपन्देहीमा एक्लै चुनाव लड्ने र त्यसमा राम्रो नतिजा ल्याउने दावी गरेका छन् ।
बुटवलको बेलबासमा पार्टीको लुम्बिनी प्रदेशको सातौं पूर्ण बैठक बैठकलाई सम्बोधन गर्दै प्रचण्डले रुपन्देहीमा एक्लै चुनाव लड्ने तयारी थाल्न नेता–कार्यकर्तालाई निर्देशन दिएका हुन् ।
‘पछिल्लो समय म विभिन्न कार्यक्रममा बाहिर जाँदा कांग्रेस–एमालेका नेताहरूले मलाई भेट्दा यो परिवर्तन माओवादीले ल्याएको हो । त्यसको रक्षा पनि माओवादीले नै गर्नुपर्छ भन्नु भएको छ । मैले यो कुरा मलाई किन भन्नु हुन्छ ? यो जनतालाई भन्नुहोस् न भन्ने गरेको छु ।’
उनले भने, ‘त्यसैले कमरेडहरू माओवादीले यो परिवर्तनको आन्दोलनमा खेलेको भूमिका कसैले नकार्न सक्दैन । बाहिर प्रचारप्रसार त हामीले गर्नुपर्यो नि, रुपन्देहीमा हामीले पहिलाभन्दा राम्रो परिणाम ल्याउँछौं, ल्याउँछौं । एक्लै लड्ने हो, तपाईंहरू त्यसको तयारी गर्नुहोस्,’ उनले भने ।
प्रचण्डले पार्टीभित्र देखिएको असन्तुष्टि र बहसलाई वर्ग संघर्षको स्वाभाविक स्वरूप भएको बताएका छन् । उनले ऐतिहासिक दृष्टान्त दिँदै भने, ‘असन्तुष्टि जहाँ गयो त्यही हुन्छ, विश्वको क्रान्तिकारी आन्दोलनमा पनि यस्तै देखिन्छ ।’
