.gif)
 (1).png){kind=logo}
.png)
हक अधिकार रोएर पाइँदैन, लडेर लिनुपर्छ : उपेन्द्र यादव
.jpg)
जनकपुर । जनता समाजवादी पार्टी (जसपा) नेपालका अध्यक्ष उपेन्द्र यादवले हक अधिकार रोएर नपाइने भएकाले लडेर लिनुपर्ने बताएका छन् ।
आज (शनिबार) जनकपुरधाममा आयोजित समाजवादी दलित मुक्ति संगठन केन्द्रीय समितिको दोस्रो राष्ट्रिय अधिवशनको उद्घाटन सत्रलाई सम्बोधन गर्दै अध्यक्ष यादवले दलित समुदायको हकहितका लागि संघर्ष गर्न आह्वान गरेका छन् ।
उनले जसपा नेपाल पार्टी दलितको हकहितका लागि संघर्षरत रहेको र अगाडि पनि संघर्ष जारी राख्ने बताए । उनले आफूहरुको लडाईमा दलित समुदायलाई साथ दिन आग्रह गरे । उनले अहिलेको परिस्थितीमा रोएर बसे भने अधिकार प्राप्त नहुने बताउँदै सबैले लडेर अधिकार प्राप्ति गर्नुपर्ने जनाए ।
अध्यक्ष यादवले लोकतन्त्रमा सबै जनाले समान अधिकार पाउने पर्नेमा देशमा अहिले पनि जाति र समुदायकाबीच विभेद कायम रहेको बताउँदै जनता समाजवादी पार्टीले यस परिस्थितीलाई चिरेर सबैलाई समान अधिकार दिलाउने जानकारी दिए ।
नेपालमा सबैभन्दा बढी जनसंख्या दलित समुदायको भएपनि अधिकारमा भने सबैभन्दा पिछडिएको दलित समुदाय नै रहेको उनले बताए । अध्यक्ष यादवले सबै दलितलाई संगठित भई जसपा नेपालको संघर्षमा साथ दिन आह्वान गरे । उनले मधेस र मधेसमा बसोबास गर्ने सबै जातजाति र समुदायले अधिकार प्राप्त नगरेसम्म आफू लडिरहने बताए ।
