मुद्दा हार–जितका आधारमा वकिलको पारिश्रमिक निर्धारण हुनु हुँदैन : सांसद गौतम

---

नयाँ पेज

२०८२ श्रावण २६ सोमबार १६:५९ बजे

 काठमाडौँ । राष्ट्रिय स्वतन्त्र पार्टीकी सांसद सोविता गौतमले मुद्दाको हार–जितको आधारमा कानून व्यवसायीको पारिश्रमिक निर्धारण गर्नु उपयुक्त नहुने बताएकी छिन् । आज (सोमबार) प्रतिनिधिसभाको कानून, न्याय तथा मानव अधिकार समितिको बैठकमा नेपाल कानून व्यवसायी परिषद् (दोस्रो संशोधन) विधेयकमाथिको छलफलमा उनले यस्तो बताएकी हुन् ।

उनले आर्थिक अभावको कारणले धेरै नागरिकहरुले न्याय नपाएको उल्लेख गर्दै आर्थिक अवस्था कमजोर भएका व्यक्तिको मुद्दन लड्दा जितेको खण्डमा कानून व्यवसायीले पारिश्रमिक पाउने व्यवस्था गर्नुपर्ने बताइन् । असहाय नागरिकका लागि मुद्दा जितेपछि मात्र पारिश्रमिक दिने व्यवस्था विधेयकमा समावेश गर्नुपर्ने उनको धारणा छ ।