.gif)
 (1).png){kind=logo}
.png)
कक्षा–१२ को नतिजामा सुधार, ६१.१७ प्रतिशत उत्तीर्ण
काठमाडौं । राष्ट्रिय परीक्षा बोर्डले कक्षा १२ को नतिजा सार्वजनिक गरेको छ । यो वर्षको परीक्षामा ६१ दशमलव १७ प्रतिशत विद्यार्थी उत्तीर्ण भएका छन् । यो अघिल्लो वर्षको नतिजा भन्दा करिब ९ प्रतिशतको सुधार हो । गत वर्ष ५२ प्रतिशत विद्यार्थी उत्तीर्ण भएका थिए ।
परीक्षा वोर्डको आज बसेको बैठकले सार्वजनिक गरेको नतिजा अनुसार ३८ दशमलव ८३ प्रतिशत विद्यार्थी ननग्रेड भएका छन् ।
ग्रेड वृद्धिको परीक्षा आगामी भदौ २८ र २९ गते हुने बोर्डका अध्यक्ष महाश्रम शर्माले जानकारी दिए । गत वैशाखमा देशभर सञ्चालित कक्षा १२ को परीक्षामा ५ लाख ११ हजार परीक्षार्थी सहभागी थिए । वैशाख ११ गतेदेखि तोकिएको परीक्षा शिक्षक महासंघको शैक्षिक हडतालसहितको काठमाडौं केन्द्रित आन्दोलनका कारण १० दिन पछाडि सरेर २१ गतेदेखि सुरु भएको थियो ।
जेठ २ गते परीक्षा सकिएपछि उत्तरपुस्तिका परीक्षण लगायतको काम सुरु भएको थियो । प्रत्येक विषयमा सैद्धान्तिकतर्फ न्यूनतम ३५ प्रतिशत अंक नल्याए विद्यार्थी नतिजा प्रकाशनमा ननग्रेडिङ हुने लेटर ग्रेडिङ निर्देशिका २०७८ ले व्यवस्था गरेको छ ।
