.gif)
 (1).png){kind=logo}
.png)
पेप्सीकोलामा ट्यांकरले ठक्कर एक युवकको मृत्यु, अर्का घाइते
काठमाडौं । काठमाडौंको पेप्सीकोलामा पानी ट्यांकरको ठक्करबाट मोटरसाइकलमा सवार एक युवकको मृत्यु भएको छ भने अर्का घाइते भएका छन् ।
बुधबार बेलुका ८ः४५ बजे काठमाडौं महानगरपालिका–३२ छाप्रोस्थित सडकखण्डमा जडिबुटीबाट आउँदै गरेको बा प्र ०१ ००४ क ३२८७ पानी ट्याङ्कर र बिपरीत दिशाबाट जादै गरेको बा प्र ० २ ० ३३ प २५४८ मोटरसाइकल आपसमा ठोक्किएको थियो ।
दुर्घटनामा परी मोटरसाइकलको पछाडि सवार काभ्रेको रोशी गाउँपालिका–३ घर भइ काठमाडौंकै कोटेश्वर बस्ने २५ वर्षीय नवराज तुमसिंह मगर छन् ।
दुर्घटनापछि उपचारका लागि केएमसी अस्पताल लगिएकोमा राति ९ः४५ बजे चिकित्सकले मृत घोषणा गरेको काठमाडौं उपत्यका ट्राफिक कार्यालयका प्रवक्ता एसपी दीपक गिरीले जानकारी दिए ।
मोटरसाइकल चालक कोटेश्वर नै बस्ने २६ वर्षीय सन्तोष मगर घाइते छन् । उनको पनि उपचार भइरहेको छ । ट्यांकर चालक धादिङ घर भइ काठमाडौंको जोरपाटी बस्ने ४७ वर्षीय रामबहादुर धापालाई नियन्त्रणमा लिइएको एसपी गिरीले जानकारी दिए ।
