६ जना आफ्नै साथीको कुटपिटबाट दुुई किशोरको मृत्यु

---

नयाँ पेज

१७:०८ बजे

झापा । झापामा आफ्नै साथीको कुटपिटबाट दुई किशोरको मृत्यु भएको छ । शिवसताक्षी नगरपालिका–९ बस्ने १९ वर्षीय रोमन थापा र १५ वर्षीय आदित्य तामाङको आफ्नै साथीहरुको कुटपिटको कारण मृत्यु भएको जिल्ला प्रहरी कार्यालय झापाका इन्सपेक्टर प्रवीण श्रेष्ठले जानकारी दिए । 

उनीहरूमाथि यही असार ११ गते आफ्नै साथीले निर्घात कुटपिट गरेका प्रहरीले जनाएको छ । उपचारको क्रममा उनीहरुको मृत्यु भएको हो। थापाको गएको शनिबारै र तामाङको बुधबार मृत्यु भएको श्रेष्ठले जानकारी दिए ।  कुटपिटमा संलग्न रहेको आरोपमा प्रहरीले ६ जनालाई पक्राउ परेका छन् । पक्राउ पर्ने सबै १६ वर्षभन्दा कम उमेर समूहका रहेका प्रहरीले जनाएको छ । इलाका प्रहरी कार्यालय झिलझिलेमा उजुरी परेपछि उनीहरूलाई पक्राउ गरिएको इन्सपेक्टर श्रेष्ठले बता ए। घटनाका सम्बन्धमा थप अनुसन्धान जारी रहेको प्रहरीले जनाएको छ ।