पूर्व सांसद कँडेलको निधन

---

नयाँ पेज

२०८२ असार १५ आइतबार ०२:४८ बजे

बागलुङ । पूर्व सांसद गोविन्दप्रसाद शर्मा कँडेलको निधन भएको छ । ८७ वर्षको उमेरमा आज उनको निधन भएको हो । कँडेल लामो समयदेखि मुटुको रोगबाट पीडित थिए । चितवनदेखि काठमाडौं उपचारका लागि जाने क्रममा कँडेलको निधन भएको नेपाली कांग्रेस बागलुङका सभापति जितबहादुर शेरचनले जानकारी दिए ।

उनी २०४८ को प्रतिनिधिसभा निर्वाचनमा बागलुङ क्षेत्र नम्बर १ बाट निर्वाचित भएका थिए । कँडेलले २०३७ सालदेखि २०४८ सालसम्म नेपाली कांग्रेस जिल्ला कार्यसमिति बागलुङको नेतृत्व गरेका थिए । उनी पछिल्लो समय जेष्ठ राजनीतिज्ञ सभाका केन्द्रीय सदस्य थिए । कँडेलका दुई छोरा र एक छोरी छन् ।