.gif)
 (1).png){kind=logo}
.png)
सरकारले बनायो उच्चस्तरीय छानबिन समिति, रास्वपाको असन्तुष्टि
काठमाडौं : मन्त्रिपरिषद्को बैठकले भिजिट भिसा तथा त्रिभुवन अन्तर्राष्ट्रिय विमानस्थलको अध्यागमनका सम्बन्धमा छानबिन गर्नका लागि पूर्वराष्ट्रिय सुरक्षा सल्लाहकार शंकरदास वैरागीको नेतृत्वमा उच्चस्तरीय छानबिन समिति गठन गरेको छ ।
प्रधानमन्त्री निवास बालुवाटारमा सोमबार बसेको मन्त्रिपरिषद् बैठकले पूर्वमुख्यसचिवसमेत रहेका वैरागीको नेतृत्वमा ुअध्यागमन र भिजिट भिसाको उच्चस्तरीय अध्ययन एवं छानबिन समितिु गठन गरेको हो ।
समितिमा विभिन्न मन्त्रालयका सहसचिवहरू रहने व्यवस्था गरिएको छ । गृह, श्रम, संघीय मामिला, परराष्ट्र मन्त्रालयका सहसचिवहरू सदस्य रहेको उच्चस्तरीय छानबिन समिति गठन गरिएको हो । समितिलाई ३ महिनाको कार्यादेश दिइएको छ ।
रास्वपाको असन्तुष्टि
यसैविच राष्ट्रिय स्वतन्त्र पार्टी (रास्वपा) ले भिजिट भिसा प्रकरणमा सरकारले बनाएको उच्चस्तरीय छानबिन समितिमा असन्तुष्टि जनाएको छ । उसले उक्त समितिलाई झारा टार्ने किसिमको भएको प्रतिक्रिया दिएको छ ।
पार्टी प्रवक्ता मनिष झाले आफ्नो सञ्जालमार्फत गृहमन्त्री रमेश लेखकलाई यो पक्ररणका आरोपित तीर्थ भट्टराईलाई नै अध्यक्ष बनाउन सुझाव समेत दिएका छन् ।
प्रवक्ता झाले भनेका छन्, ‘सुन्नमा आए अनुसार (गलत हुन पाए हुन्थ्यो) शंकरदार बैरागीको अध्यक्षतामा झारा टाने समिति बन्दैछ रे, सुधार–सुझाव टाइपको । गृहमन्त्रीज्यूलाई सल्लाह स् सोझै आरोपित तीर्थ भट्टराईकै अध्यक्षतामा छानबिन समिति गठन गरे अझ प्रभावकारी र क्लिनचिटोन्मुख हुन्थ्यो कि ?’
