.gif)
 (1).png){kind=logo}
.png)
ललितपुरमा बसले ठक्कर दिंदा मोटरसाइकल चालकको मृत्यु, दुई जना घाइते
२०८२ जेठ १० शनिबार ००:०६ बजे
काठमाडौँ । ललितपुर महानगरपालिका–४ स्थित एकान्तकुना–खरिबोट सडकमा बा २ ख ३४८ नम्बरको बसले बा. ७९ प ६५३६ नम्बरको मोटरसाइकललाई ठक्कर दिँदा एक जनाको मृत्यु भएको छ ।
आज भएको उक्त दुर्घटनामा मोटरसाइकल चालक काठमाडौँको नैकाप बस्ने गोरखाका ३० वर्षीय संजीव अधिकारीको मृत्यु भएको ललितपुर प्रहरीले जानकारी दिएको छ । उक्त दुर्घटनामा गम्भीर घाइते भएका उनको अल्का अस्पतालमा उपचारका क्रममा आज दिउँसो मृत्यु भएको हो ।
साथै दुर्घटनामा घाइते भएकी मोटरसाइकलमा सवार नम्रता लामिछाने र उनका छोराको सोही अस्पतालमा उपचार भइरहेको छ । बस चालकलाई प्रहरीले नियन्त्रणमा लिएको जनाएको छ ।
