जनमतसँगको एकताबारे के भन्छिन् रञ्जिता ?

---

नयाँ पेज

२०८२ जेठ ६ मंगलबार २०:३१ बजे

काठमाडौं । नागरिक उन्मुक्ति पार्टी (नाउपा) की अध्यक्ष रञ्जिता श्रेष्ठले पार्टीका संरक्षक रेशम चौधरी र जनमत पार्टीका अध्यक्ष सीके राउतबीच छलफल भएपछि मात्रै एकता प्रक्रिया अघि बढ्ने बताएकी छन् । आज (मंगलबार) संसद भवन नयाँ बानेश्वरमा सञ्चारकर्मीसँग कुरा गर्दै अध्यक्ष श्रेष्ठले रेशम चौधरी र सीके राउत आ–आफ्नै पार्टीका कार्यक्रममा व्यस्त रहेकाले छलफल हुन नसकेको भन्दै दुई नेताबीच छलफल भएपछि मात्रै एकता प्रक्रिया अघि बढ्ने बताइन् । 

एकताका विषयमा दुई पार्टीबीच कुनै विवाद नरहेको उनको भनाइ छ । उनले पार्टी एकतापछि चौधरी संरक्षक, राउत अध्यक्ष र आफ सह–अध्यक्षको भूमिकामा रहने यसअघि नै सहमति भइूसकेको उल्लेख गरिन् । उनले वैशाख १७ गते रेशम चौधरी पक्राउको घटना र आफ्नो स्वास्थ्य अवस्थाले पनि एकतामा केही ढिलाइ भएको बताएकी छन् ।