नेपाल प्रहरीको एआइजीमा सिद्धिविक्रम शाह बढुवा सिफारिस

---

नयाँ पेज

२०८२ जेठ ६ मंगलबार ०१:३१ बजे

काठमाडौं । नेपाल प्रहरीको अतिरिक्त महानिरीक्षक (एआईजी) मा डीआईजी सिद्धिविक्रम शाह बढुवा सिफारिस भएका छन् । आज (मंगलबार) बसेको बढुवा समितिको बैठकले पहिलो नम्बरका डीआईजी शाहलाई नै बढुवा गर्न सिफारिस गरेको हो ।

आगामी जेठ ११ गतेबाट एआईजी लालमणि आचार्य अनिवार्य अवकाशमा जाने भएपछि रिक्त हुने पदमा शाह बढुवा हुने भएका हुन् । शाह हाल विशेष ब्युरोको प्रमुखका रुपमा कार्यरत छन् । आचार्य अवकास हुनु एकसाता पहिले नै सिफारिस भए पनि एक सातापछि मात्रै मन्त्रिपरिषदको बैठकले उनलाई बढुवा गर्ने निर्णय गर्नेछ । आफ्नो ब्याचबाट शाह एआईजी बन्ने एकल अधिकारी हुन् । उनका ब्याचका अरु डीआईजीसम्म मात्रै छन् ।