.gif)
 (1).png){kind=logo}
.png)
अहिले राजा ल्याउनुु हुँदैन : अध्यक्ष बिजुक्छे
भक्तपुर । नेपाल मजदुर किसान पार्टीका अध्यक्ष नारायणमान बिजुक्छेले अहिले नेपालमा राजा ल्याउनु नहुने बताएका छन्। आज (मंगलबार) भक्तपुरमा आयोजित एक कार्यक्रमपछि उनले नेपालमा अहिले राजतन्त्र ल्याउन नहुने बताएका हुन् । उनले संवैधानिक राजतन्त्र नमानेकाले नै तत्कालीन राजा ज्ञानेन्द्र शाह राजाबाट हट्नुपरेको बताएका छन् । उनले भारत वा अमेरिकाले नेपालमा राजतन्त्र ल्याउने प्रयास गरेको खण्डमा देशमा युद्ध हुने बताए।
उनले राजतन्त्र पुनःस्थापनका लागि बन्दुक बाहेकको उपाय नरहेको र बन्दुक उठाएपछि फेरि त्यसको विरुद्ध लडाइँ हुने तर्क गरे। बिजुक्छेले भने, ‘अहिलेको राजाले त सबैलाई जेलमा हालिदियो। विरोध भएर गयो । फेरि त्यो आयो भने फेरि जान्छ । बाँकी त रहँदैन नि । यदि त्यसलाई इण्डियाले वा अमेरिकाले ल्याएको हो भने लडाइँ हुन्छ देशमा ।’ अध्यक्ष बिजुक्छेले अहिलेका राजनीतिक दलहरूले कार्यकर्तालाई पैसा, जग्गा बाँड्ने काम मात्रै गरेको आरोप लगाएका छन्।
