संसदमा राप्रपाको कटाक्ष : कांग्रेस सांसदहरू प्रधानमन्त्री खोज्न जानु भयो कि, गभर्नर ?

---

नयाँ पेज

२०८२ जेठ ६ मंगलबार २१:०० बजे

काठमाडौं । राष्ट्रिय प्रजातन्त्र पार्टी (राप्रपा) की सांसद रोशन कार्कीले नेपाली कांग्रेसका सांसदहरूको उपस्थिति संसदमा कम रहेको भन्दै आपत्ति जनाएकी छिन्। प्रतिनिधि सभाको आज (मंगलबार) को बैठकमा बोल्दै उनले कांग्रेस सांसदहरू संसदमा कम रहेको बताइन् । उनले कांग्रेस सांसदहरू आज गभर्नर खोज्न हो कि प्रधानमन्त्री खोज्न जानु भएको भन्दै प्रश्न गरेकी छन्।

ठूलो पार्टी भइसकेपछि संसदमा पनि ठूलै उपस्थिति हुनु जरुरी रहेको उनको भनाइ छ। उनले भनिन्, ‘आज त नेपाली कांग्रेसका माननीय ज्यूहरू त सात–आठ जनादेखि बढ्ता त देखिँदैन नि। उहाँहरू कता जानु भयो ? गभर्नर खोज्न जानु भयो कि प्रधानमन्त्री खोज्न जानु भयो ? तपाईहरु एकदमै कम संख्यामा हुनुहुन्छ, ठूलो पार्टी भएको भएर मलाई त शंका लागेको छ।’ संसदमा ८ जना भन्दा बढी कांग्रेसका सांसद नदेखिएको उनको आरोप छ।